水能載舟，亦能覆舟。這個老掉牙的道理，誰都懂。

錢非萬能，無錢頭痕。其實亦如是。

記得小時候，ICAC 拍了一個叫做「金錢以外」的節目，節目內容已忘得一乾二淨。倒是記得片頭是一幅畫，一個人攤在不知軟不軟的青草地上，看著天空那兩隻簡陋得可以的鳥兒在展翅飛翔。

可是人大了一點，知道男人會為錢銀女人而煩惱，只是不知道，原來煩起上黎，都可以幾煩。

只說錢銀，解決了有無問題，又到第一桶金的問題，找到第一桶金又想錢搵錢。根本是個無底潭。

我承認，人大了，有個錢旁身好緊要，積穀防饑亦都是做人要注意的地方。另一方面，身邊朋友買樓換車比比皆是，我當然覺得羨慕，但又未至於覺得自己都要換。

洗錢定儲錢，點樣洗同點樣儲，原來可以咁煩。