話說昨天去了某酒店吃「生日飯」。氣氛相當不錯，事實上這酒店的自助餐一向是「生日飯」的首選，有很多檯本地人都是有生日的壽星仔壽星女在席。

旁邊坐著一對看似情侶的物體，二十來歲。男的拿起一台單反 (Nikon D90) 拍女的，吃得尚且快樂，似乎是給女的慶祝生日。

不過不到30分鐘，那女的便開始「來料」。

接著的一小時，那女的便不停在向男的抱怨，我聽到的大致只有3個point：

樣樣都嫌貴（大抵是這裏提供的照相服務），拎住自己部爛鬼相機影影影。

冇驚喜俾我，乜都問過我。（真係躺著也中槍）

做乜唔買紙巾，拎我o個o的。

人地D男朋友乜乜乜乜乜乜……

最尾15分鐘仲玩大力掟杯、拍檯、喊。到最後，男仔話凍，跟經理說要調檯。

這酒店說是女生的夢幻之城我想也不誇張，我也想不到原來要「驚喜」比這重要，下次請這男的帶這女的去九如坊食牛腩麵，交通方便，豐儉由人，保證驚喜滿載。

也不妨問問俗稱「厹」的男生，萬幾銀一台相機拿來影女友已經相當俾面，拿著5萬幾銀一台旗艦機影過上百個model 從未影過自己女友的大有人在。

公眾地方掟杯、喊才是致命傷。別人的故事，其實我從來也少理，即使當你是我的輔導對象，我也會體諒人有情緒。大姐，你前前後後左左右右上上下下火車捐山窿都真金白銀走進來開開心心食一餐，唔平o架，妳憑咩開台六國大封相要我地睇？

還好，總算平安吃完平安回家。

問我的話，平凡是福就算了。心裏好想跟那全程唔知點算的男仔「飛X o左佢啦，唔靚唔係罪，最差係格衰」。不過其實又唔關我事的。