今日去完將軍澳上日校課程，傍晚到油麻地上夜校課程。星期二晚比星期三晚早45分鐘上課，人在油麻地，時間緊迫，沒想過想吃什麼，走到學校對面的麥記。
一邊吃，一邊聽到後面突然有把粗壯男人聲大嗌：「大佬！坐呢度啦！大佬！」「你坐好先，大佬！」江湖大佬淪落到食老麥？用盡各類反光面折射才看得清楚，一個大隻爸爸在打點兩個小朋友坐好，壯漢口中的「大佬」原來只是個初小的孩子。
然後，斜對面有對男女，男的西裝畢挺，女的打扮整齊相貌娟好。不過居然是女的倚偎在男的身上，而男的竟然在述說自己打人之後被捕，警察要他錄口供的「威水史」。
油麻地，真係估你唔到。