最近鬧得沸沸騰騰的最低工資調整，聽新聞聽到，實在哭笑不得。

先是「廿蚊張」再次挑戰本港市民的極限，繼續說世界難撈，請大家放過商家。

再有某工會領袖出來大聲疾呼，加7%（即是2蚊）是「追不到通漲」（咦？香港通漲過7% 了?!），連買個飯盒都未夠。

我在某新界屋村商場買過一個飯盒，連湯連飲品是$36，如果時薪$30 好似真的不夠。但行過兩個舖位，去街市買盒飯，其實只是廿多元而已。

從小到大都給教訓「睇餸食飯」，大家可以說我不知民間疾苦，但餐餐返屋企食的日子我也試過，食14蚊飯盒的日子我又試過。如果真的要搵30蚊一個鐘，你還會日日去食36蚊的餐嗎？

記得剛搞最低工資時，有人出過一篇「廿蚊張不代表我，積工文請你收皮」的文章，指出20蚊時薪固然可恥，可是從舖頭仔的角度，的確不是每個員工都值廿八蚊個鐘。當然，人人廿八蚊時，物價上漲是必然的事。美國佬唔生性，繼續印銀紙，內外夾攻，物價想不升也難。

當看更洗碗都月薪一萬的時候，難怪TA越來越難請。的確，職業無分貴賤，但對比清潔工人的28蚊時薪，一個大學畢業的同學仔，做個TA才八九千一個月，難怪會問：讀咁多書做乜？

恐怕澳門教師那個被學生大罵「我出去做荷官都高人工過你」，快要變成香港版：「我出去洗碗都高人工過你了」。

知識型經濟遇著文憑大貶值，真可笑。