我想好多同工可能都有同一個想法：教家長比教學生難。

上星期某天，在學校附近的餐廳買午膳外賣。本來，平凡的中午平凡的便當，風和日麗得正常不過。偏偏原來附近的某NGO 會所正在舉行音樂比賽，這餐廳有幾組親子正在用餐。

邊等邊滑手機的我，突然聽到某桌的家長正在對自己二三年級的女兒「爆seed」。內容大致如下：
1. 琴係你自己話要學而家嚟比賽就講晦氣說話，早知一早就唔好學。
2. 阿媽擺左幾多心機落你地兩姊妹度（傳說中的細妹不在現場）。
3. 阿媽今日要返工都特登請假，點解你唔諗下阿媽幾辛苦。
4. 阿媽日日返工都好大壓力，大壓力係唔係唔駛做，有壓力就唔做不如我以後唔理你地兩姊妹，你地想點就點。

短短十分鐘，阿媽語氣漸漸加重，聲量漸漸加大。最後整間餐應的目光均集中在這對母女身上。

聽罷阿媽的吐糟，倒想起了內田樹先生的《下流志向》，說起一家人回家鬥慘鬥放負能量才能彰顯自己對家庭有貢獻的章節。阿媽的壓力真的好大，我感受到，但我感受到，只因為我是個大人。阿女才八九歲，你想她如何感受你作為一個大人，又要俾老細鬧又要俾同事睇唔起又要俾其他家長拎個女來比較又要俾奶奶嘈晚黑仲要俾老公責，有幾辛酸，有幾悲慘？

就媽媽爆seed 的內容，既想起了讀教院時所學的 “I-message”, 也想起了那年在中大讀輔導，陳廷三博士講過：諗清楚，個仔成績唔好，你覺得唔開心，唔開心係你既問題，定係你個仔既問題？開口鬧佢之前，分清楚個感受屬於邊個。

常說孩子需要快樂童年，可惜的是，就算不用考TSA, 小三的孩子，大概亦不見得會有多快樂。