七點收工，想去深水埗睇鬧鐘睇電腦，一無所獲。西九龍中心草草食個飯正諗住返屋企，見到十一年前，來呢間學校教既第一批學生既其中一個。

一向跳脫，無論自身還是家長，一出場就叫人頭痛的學生，說起當年輕狂，二四年華的他跟我說已老盡少年心，叫我不勝唏噓。

學校人面半非，景物亦非依舊，唯有學園點滴永存心中。原來當年難搞的孩子，我一句「其實你想點咪講囉，唔駛收收埋埋搞咁多野。」佢會記住十年，仲識得多謝我認真咁照顧佢。

關於離校後生活，還有那感謝之言，其實我仍半信半疑。不過，如果你特登講大話哄我老人家開心，我是十分受落的。

不經不覺，原來我也老了，當年敗給孩子，今日敗給文件。今日竟發現，當年自覺九反歲月，反而過得快樂。正如當年一直期待南區有地鐵，可以準時返屋企食飯，結果今日地鐵開了，收工時間卻變得難以捉摸。

無論如何，謝謝你記得我。